شرح مادة اصول الفقه الحنفي ( حروف العطف)

تكملت شرح حروف العطف

اضغط هنا لمشاهدة الجزء الاول من شرح حروف العطف

 بسم الله الرحمن الرحيم

طيب احنا عارفين ان الإمام أبو حنيفه مع رأي الجمهور القائل بأن الواو لمطلق الجمع تمام..؟ تمام

لكن البعض قال إن ابو حنيفه يقول بأن الواو للترتيب مش لمطلق الجمع...

 

طيب اي اساس زعمهم بالكلام ده؟

قالوا في ( قول الرجل لزوجتة غير المدخول بها.. ان خرجت من المنزل فأنت طالق وطالق وطالق) ..  قالوا هنا أن أبو حنيفه بيقول انه في الحاله دي بتقع طلقه واحده عند تحقق الشرط. 

اي هو الشرط (خليك مصحصح معايا )

هو الخروج من المنزل لو خرجت هتقع طلقه واحده تمام

ومعنى الكلام ده أن أبو حنيفه لما قال في الحاله دي بوقوع طلقه واحده البعض فهم أن الواو للترتيب. لأنها لو مكنتش للترتيب كانت هتقع ثلاث طلقات عند تحقق الشرط..

أضغط هنا لمشاهده المزيد من الاسئلة والتلخيصات

طبعا هنرد عليهم بأن الكلام ده باطل...

طيب باطل ليه ي عم الحاج.. ؟

قالي لأن الإمام أبو حنيفه لما قال بوقوع طلقه واحده في الحاله دي الحكم دا مش كان مبنى ع اساس ان الواو للترتيب لا دا بناءا على حاجه تانيه وهو تعليق الجواب بالشرط وده بيكون على سبيل التعاقب عند الإمام أبو حنيفه..

هناك زعم آخر نسب إلى الصاحبين ( اللي هما ابو يوسف ومحمد ابن الحسن)

قال البعض انهم بيقولوا ان الواو للمقارنه والمعيه..

طيب اللي قالوا كده قالوا بناءا على ايه بردو..؟

في المثال اللي فوق..  بتاع ( انت طالق وطالق.........)

الصاحبان في الحاله دي قالوا انه هيقع 3 طلقات لو تحقق الشرط اللي هو الخروج من المنزل.. تمام كده..؟ تمام

طيب بناءا على قول الصاحبين بوقوع الثلاث طلقات البعض فهم انهم بيقولو أن الواو للمعيه والمقارنه لأنها لو مكنتش للمعيه والمقارنه كانت وقعت طلقه واحده.. 

وهنقولهم أن الكلام ده باطل.. 

لأن حكمهم بوقوع الثلاث طلقات مش مبنى ع اساس ان الواو للمعيه أو المقارنه... 

وإنما مبنى على رأيهم في التعليق والتعليق عندهم بيقع جمله واحده على سبيل الاجتماع مش على سبيل التعاقب زي عند الإمام أبي حنيفة...  

أضغط هنا لمشاهده المزيد من الاسئلة والتلخيصات

نيجي لحاجه تانيه بعد كده وهي"" الواو الواقعه بين الجمل "" 

طبعا اللي فات دا كله كان عطف بالواو في المفردات... 

نيجي للجمل بقى.. 

بدايه الجمله المعطوفه اما ان تكون تامه وأما ناقصه.. 

اي هي الجمل التامه دي واي الجمل الناقصه..؟ 

قالي ان الجمله التامة :  وهي الجمله التي لا تفتقر إلى ما يكملها لوجود ركنيها في الكلام..  

يعني اي بردو  

يعني الجمله بنقول عليها تامه لو معناها كامل وموجود فيها الركنين اللي هما مثلا في الجمله الفعليه الفعل والفاعل.. 

وفي الجمله الأسمية المبتدأ والخبر.. 

طيب اي هي الجمل الناقصه؟ 

هي الجمله المفتقره إلى ما يكملها من جهة المعنى لا من جهة الإعراب.. 

يعني اي الكلام ده.. 

فاكرين في النحو لما كنا بنعمل حاجه في الجمله اسمها التقدير يعني مثلا جايب مثال ( أن فهمت المسأله فأنت ذكي ومحمود). الجمله هنا مش ناقصه من ناحية الإعراب لكن ناقصه من ناحية المعنى ودي اللي بقول عليه تقدير في المعنى يعني هقدر كلمة ذكي بعد محمود فهيكون التقدير ( أن فهمت المسأله فأنت ذكي ومحمود ذكي)  تمام 

أضغط هنا لمشاهده المزيد من الاسئلة والتلخيصات

طيب خلاصة الكلام في العطف بالواو إذا كانت الجمله تامة...

لو كانت تامه فاما هتكون الجمله ليس لها محل من الإعراب وأما يكون ليها محل من الإعراب.

١/ اذا وقعت الواو بين الجمل التي لا محل لها من الإعراب.. هتفيد التشريك في حصول مضمون الكل

٢/اذا وقعت الواو بين الجمل التي لها محل من الأعراب..  ف الواو هتفيد تشريك الجمله الثانيه مع الجمله الأولى في محلها الإعرابي..  يعني إعراب الجمله التانيه هيكون زي الأولى بالظبط

طيب دي في الجمل التامه طيب الواو بقى في الجمل الناقصه...

الحكم فيها أن الواو تفيد تشريك الجملة الثانيه فيما تمت به الجمله الأولى 

يعني اذا أمكن تقدير ما تمت به الجمله الأولى قدر ع ذلك

وإذا لم يمكن التقدير مثلا لعدم اتحاد المعطوف والمعطوف عليه ف هنقدر مثله...

 كده اول مبحث من حروف العطف تم الحمد لله وهو حرف الواو.. 💙

ويعتبر أطول حرف في حروف العطف..

وبإذن الله بكرة إذا أمكن هنزل المبحث التاني ( حرف الفاء)..

لو حد عنده اي تعليق يتفضل أو أي حاجه مش واضحه..

اعداد: Eman Selmy

✍gamal nasser

أضغط هنا لمشاهده المزيد من الاسئلة والتلخيصات

دعواتكم بالتفوق وصلاح الحال والاحوال

يريت تدعمنا في التعليقات اننا نكمل وتشاركنا برايك او بدعوه من قلبك وتشارك رابط المقال مع زمايك علشان يشاهدوا الأسئلة والمقالات الموجوده علي الموقع 

وجزاكم الله خيرا والسلام عليكم ورحمة الله وبركاته