ملفات غامضة قصة الـنـافـذة
قصة حقيقية
بابا انا خايف!
-- من إيه يا حبيبي!
_منهم!!
-- هما مين؟!
_ عمو وطنط اللي بيطلعوا كل يوم من الدولاب بعد ما بدخل السرير
مافيش يا حبيبي الكلام دا . وعشان تصدق أهوه ياسيدي الدولاب هفتحه قدامك عشان تتأكد.
بلاش يا بابا بلاش عشان هما.
ياحبيبي متخافش أهوه الدولاب فاضي ومافيش أي
ايه دا !!
الطفل ينظر إلي الدولاب في فزع وهو يصرخ بأسم والده!!
خبر صغير بصفحة الحوادث
كتبت : رشا عبد الغفار
إيداع طفل بدار لإيواء الأيتام بعد إختفاء والده في ظروف غامضه . الجدير بالذكر ان الطفل حازم رشوان قد إختفت والدته منذ سنتين في ظروف مشابهه.
وقد أبلغ جيران الطفل الشرطه بعد ان تعالت صرخات الطفل من شرفة المنزل.
جدير بالذكر أن الطفل حالياً يعاني من صدمة نفسيه .. ويردد كلمات غريبه عن الكائنات التي تأتي من الدولاب ليلاً. وقد أشار الفريق الطبي ان الطفل يعاني من إضطراب ما بعد الصدمه وسوف تتحسن حالته قريباً .
-------------------------------------
بقي يا باشا وربنا الشقه دي لقطه . متشطبه سوبر لوكس وهترتاحوا فيها جداً.
ينظر كامل محفوظ إلي زوجته وهو يتجول في الشقه الجديده..-
ويلفت نظرهم الدولاب العملاق
سعيد السمسار يلاحظ اهتماهم بالدولاب .... فيضحك وهو يقول
اه يا باشا الدولاب دا تحفه ... وهسيبه في الشقه .. هديه ليكم دا متلاقيش زيه دلوقتي في اي مكان وخساره أبيعه..
في النهايه وافق الزوجان .... وبعد عشرة أيام كانت اول ليله لهم في شقتهم الجديده..
_ ميرفت أنتي سامعه حاجه بتتحرك بره ؟؟؟
لا يا كامل مافيش حاجه انت بس عشان لسه ما اخدتش علي الشقه-
_ يتنهد في عمق ... ويغط في نوم عميق بعدها بدقائق
اه لو كنت تعلم القادم يا عزيزي ما كنت أقدمت علي النوم ولا حتي علي البقاء في ذلك المنزل للحظات
فالقادم كارثي ،،، ومرعب ،،،
