شرح أصول الفقه غير حنفي من بدايه الكتاب

 

شرح مبسط لمادة اصول الفقه غير الحنفي للفرقه الثانيه 

أضغط هنا لمشاهده المزيد من الاسئلة والتلخيصات

بسم الله الرحمن الرحيم

اول حاجه حبيت اوضح النقطه دي بالخريطة دي اسهل للفهم بس لازم اوضحها

دي اول صفحه ف الكتاب 

المنطوق ما دل عليه اللفظ ف القرآن او الحديث المعنى الصريح اللي هوا اول ما تقرأه هوا اللي يجي زهنك

زي قوله النبي صلى الله عليه وسلم "في سائمه الغنم زكاه" 

اول حاجه فهمتها ان وجوب الزكاه ف الغنم السائمه 

دلالة  المنطوق بينقسم الي 

صريح وغير صريح

الصريح هوا اللي يهمنا ف الموضوع

والصريح بينقسم الي دلاله المطابقة ودلاله التضمن

اولا دلاله المطابقه:-

 يعني ان اللفظ هوا المذكور ف الايه القران او الحديث او اي قول

المعنى هو معني اللفظ المذكور دا اي. 

هنا اللفظ بيساوي المعنى 

كدلاله لفظ "انسان" علي حيوان ناطق يعني لما اقول الانسان حيوان ناطق 

وبرده الحيوان الناطق هو الانسان 

هل الحيوان الناطق بيطلق اي حاجه غير الإنسان  طبعا لا  (الناس اللي كانت ف العلمي ممكن متفهمش دا اوي لان خدناها ف 3 ثانوي ف علم النفس او الفلسفه) 

ثانيا دلاله التضمن :-

ان اللفظ بيكون جزء من المعني

ك دلاله لفظ "انسان" علي حيوان فقط ، يعني لما اقول الانسان حيوان 

هنا مينفعش اقول ان الحيوان هوا الانسان عشان الانسان هنا جزء من الحيوان 

لان الحيوان بيدخل تحته الحيوان الناطق والغير الناطق تمام

(برده ممكن اللي كانت ف العلمي ممكن متفهموش بس لو مفهمتهوش عرفوني ف التعليقات  وان شاء الله اقولها بطريقه اوضح) 

مثال غير اللي ف الكتاب عشان توضح اكتر 

قوله تعالى ( والخيل والبغال والحمير لتركبوها وزينه) 

دلوقتي الخيل والبغال والحمير بنركبها عادي صح 

كدا لفظ "لتركبوها" هنا بيساوي المعني كدا يبقا دلاله تطابق 

اما بقا لفظ "وزينه" 

هو احنا بنزين الخيل والبغال والحمير

لا احنا بنزين الخيل فقط  كدا لفظ "وزينه" هنا اي.. ؟

دلاله تضمن 

اظن كدا تمام اووي وبكدا خلصنا المنطوق

أضغط هنا لمشاهده المزيد من الاسئلة والتلخيصات

المفهوم

المفهوم : يعتبر عكس المنطوق المفهوم بيدور ع المعني المحذوف او حكم المسكوت عنه يعني الحكم اللي القران او الأحاديث مش وضحة حكمه

 المفهوم بينقسم الي مفهوم الموافقه ومفهوم المخالفه 

اولا : مفهوم الموافقه :- 

ان المسكوت عنه يكون موافق المنطوق ف الحكم  المذكور ف قوله تعالي ( فلا تقل لهما اف) هنا المنطوق ف الايه دل علي تحريم او نفي التأفيف للوالدين صح كدا 

طب ضرب الوالدين بقا او الشتم... اولى من التأفيف ان يكون حرام مش كدا اهو دا بقا المسكوت عنه فالايه بس هوا موافق للحكم الموجود في الايه يعني دلوقتي الايه الكريمه نفت التأفيف مجرد التأفيف فقط ممنوع 

طب الضرب والشتم نقول بقا مباح عشان مجاش فيه حكم  لا دا هو عبر بالأدني يعني اقل حاجه ف الضرب والشتم اولى بالتحريم كدا احنا عندنا فالايه منطوق ومسكوت عنه "المفهوم" 

المنطوق منع التأفيف المسكوت عنه "المفهوم" ايضا منع وتحريم الضرب والشتم. 

ثانيا :مفهوم المخالفه :-

هو ما كان المسكوت عنه مخالف للمنطوق ف الحكم  مثل قول سيدنا محمد صلى الله عليه وسلم 

"ف سائمه الغنم زكاه" معني سائمه اي الاول  اللي هو الناس الرعااه الناس اللي بتطلع بالغنم ترعاها كدا ف الجبل والمناطق دي عشان تاكل من غير ما يشتري علف او اكل دلوقتي المنطوق ف الحديث اي..  

انه وجوب الزكاه ف الغنم السائمه صح كدا 

طب المفهوم بقا هنا اي اللي هو المسكوت عنه ف الحديث 

الغنم الغير سائمه يعني "المعلوفه" 

الغنم المعلوفه لا زكاه فيها كدا هو مخالف للحكم المنطوق الغنم المعلوفه لا زكاه فيها مخالف في الغنم السائمه زكاه 

طيب مثال تاني 

لما نقول "من يذاكر ينجح" 

المنطوق هنا ان اللي هيذاكر هينجح تمام كدا 

طب المسكوت عنه هنا اي اللي مش هيذاكر مش هينجح دا كدا خالف حكم المنطوق

اللي مش هيذاكر مش هينجح مخالف لمن يذاكر ينجح

 هنفهم دي اكتر لما نروح لانواع مفهوم المخالفه 

انواع مفهوم المخالفه 10 هنوضح كل نوع منهم

اضغط هنا لمشاهدة الحزء الثاني من الشرح 

أضغط هنا لمشاهده المزيد من الاسئلة والتلخيصات

مفهوم الصفه:-

قبل ما نتكلم فيها في قاعده كدا في اصول الفقه لازم تحفظوها 

"اذا انعدمت الصفه انعدم الحكم" 

مفهوم الصفه هوا تعليق الحكم ع الذات بأحد الأوصاف 

مثال ف الحديث الشريف

"ف الغنم السائمه زكاه" الغنم  هنا هيا الذات والسائمه هيا احد اوصاف الغنم. 

هنا علق حكم وجوب الزكاه علي الغنم السائمه

طيب لو صفه السووم هنا انعدمت ارجعو كدا للقاعده اللي قلتها" اذا انعدمت الصفه انعدم الحكم"

بمعني ان غير الغنم السائمه لا زكاه فيها لان الغنم ي شباب له صفتان: صفه السوم المذكوره ف الحديث وصفه العلف المسكوت عنه

بس الحديث ذكر بس صفه السوم فدل ذلك علي عدم وجوب الزكاه في الغنم المعلوفه

مثال تاني اوضح في الشرح

دلوقتي المطلقه طلاق بائن لو حامل تجب لها النفقه صح كدا طب لو "حائل" اي غير حامل (ملهاش نفقه) هنا علق الحكم اللي هو وجوب النفقه للبائن علي صفه من صفتها اللي هو الحمل طيب لو انعدم الحمل ينعدم الحكم 

وكذلك المثال الثالث:- 

معني "مؤبره" يعني ملقحه يعني البائع لقح النخله وصرف عليها قبل البيع في الثمر بتاع النخله للبائع

طب لو ملقحش النخله ملوش ثمره تمام كدا ولا اي..

بكدا مفهوم الصفه لو علق الحكم علي صفه معينه دل ذلك علي ان ما عدا تلك الصفه مخالف للحكم يعني السوم عكسها العلف والحامل عكسها الحائل

اراء العلماء في مفهوم الصفه

 اختلف الأصليون فب حجيه مفهوم الصفه بمعني

اختلفوا في تقييد الحكم او قصر الحكم ع صفه حدده يدل ذلك ع نفي الحكم عن غيرها من الصفات ام لا.؟

محل النزاع:-

الدكتور لغاه عندي بس هوضحه ع قد ما اقدر ع حسب ما فهمت

دلوقتي الخلاف بين الاصوليون ان لو علق الحكم ع الصفه معينه ايدل ذلك ع نفي الحكم عن غيرها من الصفات او لا صح كدا تعليق الحكم بيشمل امرين

أضغط هنا لمشاهده المزيد من الاسئلة والتلخيصات

 الامر الاول :-

ان تعليق الحكم ع صفه محدده يفيد نفي الحكم عن غيرها من الصفات 

الامر الثاني:- 

ان فائدة تعليق الحكم ع صفه محدده تفيد شئ غير نفي الحكم عن غيرها من الصفات 

اقراوها من  الكتاب وان شاء الله بالتوضيح دا تكون سهله

اقوال الاصوليون في حجيه مفهوم الصفه

القول الاول والثاني اقراوه  مفيش توضيح فيه سهل ولو مكنتوش قراتوه اقراوه الاول من الكتاب 

اما القول الثالث القائل بالتفصيل

ويكون مفهوم الصفه حجه ف ثلاث احوال :- 

1 ان يكون ورد مورد البيان ك حديث " ف الغنم السائمه زكاه" الحديث جاء بيانا لآيه الزكاه يعني يوضحها.

2 مورد التعليم كقول النبي صلى الله عليه وسلم

"اذا اختلف المتبايعان تحالفا"  تعليم النبي صلى الله عليه لو البائع والمشتري اختلفو تحالفا بس لو مكنت ااسلعه قائمه اما لو كانت السلعه قائمه لا تحالف

3 ان يكون ورادا فيما انتفي عنه الصفه كالحديث "اذا بلغ الماء قلتين لم ينجسه شئ"

لفظ القلتين يعني القله الواحده داخله تحت القلتين يعني كدا القله الواحده لو وقع الشئ نجس فالماء فإنه ينجس الماء ولو كان القله الواحده تأخذ نفس حكم القلتين يبقا ذكر القلتين ف الحديث بلا فائده وهذا محال علي الشارع

اما غير هذه الاحوال الثلاث يكون مفهوم الصفه ليس حجه فيه اي ان تقييد الحكم بفصه معينه لا ينفي الحكم عن غيرها 

هذا القول الثالث

والقول الخامس قريب من معني القول الثالث اقراوها كدا من الكتاب الاول

الادله والمناقشات بقا كتير الصراحه وانا مقدرتش اعمل اكتر من كدا

فممكن تقراوها من الكتاب بهدوء ولو حد مفهمش حاجه اقولها تاني

وشوفوا بس كدا قدرت اوصل المعلومه والا لا

ومعلش محدش يقيس نفسه فهم او لا غير لما يقرأ من الكتاب ولو في حاجه مش واضحه قولوا عليها ف التعليقات وهنوضحها ليكم

اعداد : عادل رشدي

اضغط هنا للينك القناه

✍gamal nasser

أضغط هنا لمشاهده المزيد من الاسئلة والتلخيصات

دعواتكم بالتفوق وصلاح الحال والاحوال

يريت تدعمنا في التعليقات اننا نكمل وتشاركنا برايك او بدعوه من قلبك وتشارك رابط المقال مع زمايك علشان يشاهدوا الأسئلة والمقالات الموجوده علي الموقع 

وجزاكم الله خيرا والسلام عليكم ورحمة الله وبركاته